ජීවන වියදම දරන්න බෑ!
වැටුප් වැඩි කරනු!
ලැබෙන වැටුපෙන්
ජීවත් වන්න බෑ!
ජනතාවට සහන දෙනු !
අධික ජීවන වියදම දරා ගැනීමට නොහැකි බැවින් වැටුප් වැඩි කිරීමක් හා ජනතාවට සහන ලබා දෙන ලෙස ඉල්ලමින් කම්කරු පංතිය හා සාමාන්ය ජනතාව ඒකාබද්ධ ආණ්ඩු විරෝධී උද්ඝෝෂණයක් පැවැත්වීම සඳහා සාකච්ඡා කෙරෙමින් පවතින බව රතු තරුවට වාර්තාවේ. ජනතාව පිට විවිධාකාරයේ බදු බර පටවා රජයේ වියදම් පියවා ගැනීමට කටයුතු කරන ආණ්ඩුව දූෂණය නාස්තිය තවදුරටත් පවත්වාගෙන යමින් මැති ඇමතිවරුන් වෙනුවෙන් අති විශාල මුදලක් කාබාසිනියා කරමින් සිටී.
මේ අතර රාජ්ය සේවය කප්පාදූ කිරීම ගැන කථා කරන ආණ්ඩුව රටට ඔරොත්තු නොදෙන අති විශාල හමුදාවක් නඩත්තු කිරීම සඳහා වියදම් කරන විශාල මුදල ගැන මුනිවත රකිති. යුද්ධය අවසන්ව වසර 12ක් ගතව තිබෙන නමුත් හමුදාව වෙනුවෙන් අයවැයෙන් වෙන් කරන විශාල මුදල අඩු කිරීමකින් තොරව පවත්වාගෙන යනු ලබන්නේ ඇයිද යන්න බරපතල ප්රශ්නයකි. එසේම රාජ්ය උත්සව පැවැත්වීම නොඅඩුව සිදු කරමින් පවතින අතර ලංකාව වැනි කුඩා රටකට ඔරොත්තු නොදෙන විශාල ඇමති හා රාජ්ය ඇමතිවරු සංඛ්යාවක් නඩත්තු කරති. රට බරපතල ආර්ථික අර්බුදයක ගිලී සිටින තත්වය ඉදිරියේ පොලීසියට ඉන්දියාවෙන් ජීප් රථ 500ක් ගෙන ඒම සඳහා ඇමරිකානු ඩොලර් 7.887.500ක් ගෙන ඒමට මුදල් වැය කිරීම පෙන්නුම් කරන්නේ පොලීසිය බාර ඇමති වන ටිරාන් අලස් වැනි අයගේ මුග්ධබාවයයි.
මෙම පසුබිම තුළ එදිනෙදා ජීවිතය පවත්වාගෙන යාම සඳහා විශාල වශයෙන් ප්රශ්න වලට මුහුණ දෙන ජනතාව දේශපාලන පක්ෂ බේද පසෙකලා සහන ලබා දෙන ලෙස ඉල්ලා සැලසුම් කරන ඒකාබද්ධ උද්ඝෝෂණය සඳහා උතුරේ දෙමළ ජනතාව, නැගෙනහිර මුස්ලිම් ජනතාව හා කඳුකරයේ වතු කම්කරු ජනතාව ඒකාබද්ධ කිරීමට කටයුතු කළ යුතු බව රතු තරුව අවධාරණය කර සිටී.
